Norveç və Azərbaycandan olan skautlar qrupu 31 iyuldan 5 avqust tarixlərinədək Quba rayonuna birgə dağ yürüşü  edəcəklər.Yürüş FAİREX-in dəstəyi ilə həyata keçirilir. 2008-ci ildə başlanan Norveç-Azərbaycan “Dostluq” layihəsi 2010-ci ildə keçirilən artıq ikinci tədbirdir. Norveç və bizim skautların ilk tədbiri 2010-cu ilin iyun ayında Norveçdə  kanoe-yürüşü ilə başlamışdır . Biz norveçliləri bu gün  cavab səfəri ilə qarşılayırıq.

Milli Qəhrəman, telejurnalist Çingiz Mustafayevin 50 illik yubileyi ilə əlaqədar ANS şirkətlər qrupu və federasiyamız tərəfindən Tufandağ silsiləsində onun adını daşıyan zirvəyə yürüş təşkil olunmuşdur.

        Beləliklə, “Qızıl qaya-2010” beynəlxalq  dağ  festivalı 18 iyul tarixində  başa  çatdı. Bakı istidən qaynayan zaman festival iştirakçıları sərt sınaqlara məruz qaldılar. Qubadan çıxar-çıxmaz şiddətli yağış iştirakçıları üstü açıq maşında yaxaladı. Festivalın düşərgəsinə çatana qədər artıq hamı islanaraq üşüyürdü. Günün işıqlı vaxtını yola sərf etdiyimiz üçün artıq çadırları ala qaranlıqda, yağan yağışın altında qurmağa məcbur olduq. 

“Qızıl Qaya - 2010 ” Beynəlxalq Dağ Festivalı başa çatdı. Çətin hava şəraiti səbəbindən festival proqramının tam həcmdə keçməməsinə baxmayaraq, bütövlükdə öz bayrağı altında Azərbaycandan, Macarıstandan, Gürcüstandan, Rusiyadan və Avstraliyadan 20-dən çox təşkilatı təmsil edən 100 nəfərə yaxın idmançını yığan festival baş tutdu!

Əvvəlcədən xəbər verildiyi kimi “Qızıl Qaya 2010” beynəlxalq dağ festivalı bu gündən etibarən öz işinə başlayıb.